تحيا مصر اللى اديتنا كتير... تحيا مصر وهى بيتنا الكبير
تحيا وتعيش مش م الميدان ... ولا من فلول ولا الإخوان
وتستمر رغم اللى حاصل ... من الظلم والعدوان
تحيا مصر ... حتى مع نظام فاسد عاش فيها
حاول كتير ينخر فيها وسقط برضه على ايديها
تحيا مصر ... حتى مع الكدابين لما ركبوا
ثورتها وعملوا فيها بيحبوا ومعرفوش شعبها يغتصبوا
تحيا مصر ... حتى مع كل الإخوان
اللى بيقطعوا فيها كمان ومسيرهم يفجروا البركان
بركان شعبها اللى عمره ما يرضى بأسر
وبينزلها فى الشدة يقول تحيا مصر
لكن وعشان اقول الحق ... من اللى شايفه م المصريين
ارجع افكر واقول لأ .... عمرها ما تحيا بشعب غير أمين
عشان مصر تحيا ... لازم يسقط المصريين
