الحياة بتمر والزمن ماشى
فيها حلو ومر وياه انا ماشى
أنا ... هو مين أنا ... أنا الإنسان
أنا إنت ... وأنا إنتى ... وإنتوا كمان
متصدقش ان الفرصة بتيجى بس مرة واحدة
الفرصة بتروح وتيجى لحد ما تشوفها
لكن مش كل مرة الفرصة بتبقى واحدة
وهو ده اللى بيفرق عند اللى بدرى بيشوفها
Sunday, February 20, 2011
أنا قررت أحبك
أنا قررت أحبك
أحبك عشان الدنيا مفيهاش كتير زيك
وأنا إيه يضمنلى ألاقى زيك لو بعدت عنك
أحبك عشان إنتى اللى وقفتى جنبى
وتستاهلى كمان اللى أكتر من حبى
أنا قررت أحبك وأعيش وأفضل جنبك لآخر الحياة
يا رب تقبلينى واهديكى ننى عينى والحب لمنتهاه
وعشان توافقى لازم
تحبينى أكتر من كده واوعى تقولى مفيش تانى
وانا باوعدك انى معاكى طول ماانتى عايشة علشانى
Subscribe to:
Comments (Atom)