مش ح عديهالك

لأمش ح عديهالك ... عشان عمرك ما عدتلى
أى حاجة صغيرة وكنت بتقفلى ع الواحدة
لأ مش ح عديهالك ... وهتبقى هيه ديه
الحاجة اللى تفرقنا وتبعدنا واحدة واحدة
وإياك تقول زعلان ولا تقوللى ظلمتنى
ولا يوم تكون حيران ومش عارف ليه باعاملك كده
خلاص خلص اللى بيننا ومليت أكون دايماً ضحية
فاكر نفسك ملاك ومبتغلطش
آخرك هتبقى النهاية مهما طالت هيه هيه
تعبت من كتر الكلام واللطش

فيه حاجة ف قلبى ليكى

فيه حاجة ف قلبى ليكى نفسى أحكيلك عليها
لكن قدام عينيكى بانسى الدنيا وما فيها
ويتوه منى الكلام ... حتى كمان السلام
واحلم واسرح قوام ... أول ما ألمس ايديكى
نفسى اقوللك ع اللى بيه وتسمعينى ... والقى قلبك حس بيه وبينادينى
ولا اقوللك انى شايف ... احلى عين واجمل شفايف
ولا اقوللك يوم بحبك ... بس ليه انا منها خايف
ببقى ناوى خلاص اقوللك ع اللى بيه وع اللى جانى ... والقى نفسى ف حضن ظلك فجأة يتلجم لسانى
واسرح فى رموش عيونك ... وجمال شعرك ولونك
والضحكة والإبتسامة ... واقول الله يصونك

طاوع قلبك

طاوع قلبك ... متخليش خوفك وكسوفك يكسر حبك
طاوع قلبك ... وانا عن نفسى هاقرب منك وافضل جنبك
بس أمانة عليك شجعنى ... واما اندهلك ابقى اسمعنى
ولا اندهلى طب ايه يعنى ... قبل ما ييجى الوقت واعاتبك
***
طاوع قلبك وامشى طريقك ... خدنى حبيبك خدنى صديقك ... سلم قلبك ليا وعيش
وانت تلاقى معايا وجودك ... تبقى حدودى وابقى حدودك والأحزان تبعد متجيش
***
طاوع قلبك مهما يقوللك ... قلبك برضه اكيد هيدلك ... ان الجنة ف قربك منى
وانا عن نفسى بواعد قلبك ... هافضل طول العمر بحبك ... مش راح اسيبك تبعد عنى

زى النهاردة

زى النهاردة اتولد لى قلبك
زى النهاردة إبتدالى عمر جديد
كنت انا قبل اما اشوفك بحبك ... كنت انا اكتر واحد فى الكون سعيد
كل سنة وانتى زى مانتى ... جميلة ورقيقة ومعايا هواكى
كل سنة واحنا مع بعضنا ... وبحبك وبقربك وباسمع نداكى
كل سنة وانتى يا حبيبتى طيبة

إحساسى بيكى

إحساسى بيكى ... إحساس غريب وجديد عليَه
قدام عينيكى ... حاجات كتير بالاقيها فيَه
ويحس قلبى بهمس قلبك ... وينادى ويقوللك بحبك
واتمنى اقضى حياتى جنبك ... والعمر كله أعيشه ليكى

إحساس بيكى ... ده أحلى حاجة فى دنيتى
ياللى ف عينيكى ... باشوف طريقى وسكتى
ياللى انتى اجمل من ملاك ... لو حتى كان حبك هلاك
هافضل اعيشلك وانتهى ... كل اللى قبلك بين عينيكى

حتة منك

قولتيلى إنك حاسة إنى ... حتة منك
وانا حاسس انك حتة منى ... وكلى منك
انت النور والطريق ... وانت الحلم. الحلم البرئ
وانت الدنيا ومافيها ... ولا شيئ يبعدنى عنك
لو حتة من قلبك انا ... يبقى انت قلبى ودنيتى
لو حتة من عمرك هنا ... يبقى انت عمرى وسكتى

أنا بحبك

أنا باكتبلك وعارف انك مش هيوصلك جوابى
انا مستنى وشايف صورتك دايماً جوه كتابى
أنا باحلم إنى رجعتلَك ... وانا فى احلامى وصلتلَك
انا مشتاقلك ... انا باندهلك ... انا بحبك
ببطء بتعدى الأيام ... عليا مع انى باكلمك
اكتر من مرة فى اليوم ... وده مش كفاية عليا
وبتجينى فى الأحلام ... وف كل مرة بالمسك
لكن لما باقوم م النوم ... بيرجع شوقى ليه

وحشتينى

يا حبيبتى وحشتينى ومش عارف أقوللك إيه

بقالى كتير بعيد عنك وبسأل نفسى أعمل ايه؟

لما احب أشوفك ولا ألمسك

نفسى جوة قلبى اقدر احبسك

ومخليش حد غيرى يكلمك .. أو يعرفك .. أو يدرسك

وحشتينى ومش عارف اقوللك ايه غير إنى

مبعرفشى أنام بالليل من التفكير إكمنى

مش عارف أعمل ايه؟؟

بعيد عنك

باموت فيكى لما باكون بعيد عنك ولما باحس

فى عينيكى إنى وحشتك لما شوفك بعد غياب

معقولة بتحبينى كل الحب ده

والله ده انا على عينى البعد كل ده

صوتك بيفضح لهفتك ... لما باكون باكلمك ... فى كل مرة وانا بعيد

كلمة حبيبى تهدينى ... وألم الفراق بتنسينى ... والحب كل يوم يزيد

نفسى اقوللك باعشقك ... لكنى باسكت واسمعك ... وباحسك انتى بتفهمينى

من غير ما اقول اى كلام ... صوتك يدفينى وبانام ... وباحلم بيكى بتجينى

بحبك وهافضل احبك وهازيد فى حبك طول عمرى

ده انا وصلت لمرحلة نك نجومى وشمسى وقمرى وليلى ونهارى و حياتى و عمرى و حبى و عشقى و حبيبتى و ....

لحظة وداع

لحظة وداع ... وكأن روحى بتتسرق من بين إيديَه

لحظة وداع ... وكأن قلبى بيتحرق قدام عينيَه

وكأن نار جوايا حالفة ماتنطفيش

كام ألف شيئ فى بعاده مش ممكن يعيش

وكأنه نور فى طريقى ضاع ... لحظة وداع

***

العيون فى بعاده حالفة ما تجف ثانية عن البكا

والشفايف تايهة خايفة والكلام منى اشتكى

والخد قاطع الإبتسامة وعاش يدور ع العذاب

عشان قلبك

أنا عايز أقولك .... إنى بحبك

أنا سكِنت قلبى .... جوة قلبك

عشان قلبك لقيته أحلى مكان فى الدنيا

وعمرى ما هافكر إنى أكون لواحد تانية

عشان قلبك أنا مستعد أعمل كتير جداً

وباوعدك طول ماأنا بأقدر مقولش لأ أبداً

عشان قلبك خلانى مش خايف من بكرة

وخلانى بأعرف أحب ومش بأعرف أكره

عشان قلبك حأقضى العمر جنبك

وحأفضل كمان وانا جنبك أحبك وأحبك

مش قادرة أكمل

مش قادرة أكمل ... تعبت خلاص
جوايا بيموت ... أجمل إحساس
بحبك آه بحبك ... بحبك قوى
لسه نفسى نكون لبعض ... نفسى قوى
لكن خلاص مفيش فايدة ... إحساسى نار جوايا قايدة
صعب انى اعيش... لو كان مفيش... حقيقة واحدة تخلينى... أطلع معاك لبر أمان
خلينى أمشى ... وابعد بعيد
متقولش ليه ... كان الفراق
حاولت كتير أكمل ... وكان مستحيل
وخلاص مبقاش فاضللى ... أى حل بديل

سامحنى لازم أكون بعيد

وادوس على قلبى الوحيد

وامشى واروح فوق الجروح ... وادعى ان عمر ما يجمعنا تانى مكان

أنا جايلك

إستنى انا جايلك ... مش ممكن أتأخر
وحشتنى عمايلك ... وحبك بقى أكبر

مش مهم هيحصل ايه ... انتى جنبى فى كل مكان
وادينى شوفى باعمل ايه ... بيكى أنا مجنون جنان

وحشتينى يا كل سنينى وعمرى الجاى ... وادينى جايلك فى المعاد
استنى يا نور عينى باقولها وجاى ... ولو حتى ما بيننا بلاد

غير ربنا مين يبعدنا ولا تقدر أى حدود
ربنا دايماً يسعدنا ويملى حبنا كل الوجود

أحب ليه تانى

أحب ليه تانى وانتى عايشة عشانى

حياتى يمكن مش واقفة لكن قلبك هو مكانى

نفسى أقوللك قد ايه... جوه حضنك ببقى حاسس بالأمان

يبقى تانى أحب ليه... حب عمرى لقيته فيكى وعمرى نفسه جه كمان

أحلى صبح فى كل يوم ... لما تبقى حبيبتى هى أول حاجة أشوفها

تنسى عقلى الهموم ... ولازم أحضن ايديك واقرب وابوسها

أنا الإنســــان

الحياة بتمر والزمن ماشى
فيها حلو ومر وياه انا ماشى

أنا ... هو مين أنا ... أنا الإنسان
أنا إنت ... وأنا إنتى ... وإنتوا كمان

متصدقش ان الفرصة بتيجى بس مرة واحدة
الفرصة بتروح وتيجى لحد ما تشوفها
لكن مش كل مرة الفرصة بتبقى واحدة
وهو ده اللى بيفرق عند اللى بدرى بيشوفها

أنا قررت أحبك

أنا قررت أحبك

أحبك عشان الدنيا مفيهاش كتير زيك

وأنا إيه يضمنلى ألاقى زيك لو بعدت عنك

أحبك عشان إنتى اللى وقفتى جنبى

وتستاهلى كمان اللى أكتر من حبى

أنا قررت أحبك وأعيش وأفضل جنبك لآخر الحياة

يا رب تقبلينى واهديكى ننى عينى والحب لمنتهاه

وعشان توافقى لازم

تحبينى أكتر من كده واوعى تقولى مفيش تانى

وانا باوعدك انى معاكى طول ماانتى عايشة علشانى