جودى

قابلتها وعرفتها ... قررت انى اكون لها

جهزت نفسى وروحتلها ... وقلت انى بحبها

وعايزها ونفسى اتجوزها ... وتكون حياتى واكون عريسها

وافضل جنبها

لأوالجميل كمان ... عرفت سر وجودى

لما حصل وكمان ... خلفتلى جودى

بنتى وبنتها

آه يا اجمل منال ... آه واسمك منال

شوفتى بنتنا جودى ... اللى اجمل م الخيال

وحياتنا ملكها

كلام اقوله

كل حاجة فيكى بتدوبنى ... نظرة من عينيكى بتغيرنى

كلمة واحدة منك بتجبنى ... من آخر الدنيا

معدش عندى كلام اقوله لعينيكى

احلام ورا أحلام باحلمها انا ليكى

وكل حته ف قلبى بتنده عليكى

خلى الكلام لحد غيرنا ... انا معنديش كلام

قلبى وانا جبنا آخرنا ... من كتر الكلام

سيبينى احبك بطريقتى

فيه حاجات اهم من الكلام ... ودى بتاعتى انا

سيبيهالى هيًه والأحلام ... احققها انا

حبينى اكتر يا حبيبتى

عارف انى راجع

زى شمس بتتطلع كل يوم تضوى .. ومن غيرها متكملش الحياة
انت جوة حياتى شمسى ونورى ... ومن غيرك ادوق الآه

بابعد عنك وانا مشتاق ... لكن عمرى ما اقول ده فراق
اصلى عارف انى راجع ... لأوزايد الاشتياق

مش باقولك انى بعدك او فى بعدك مش باشوف غير عينيكى
لأ باشوف عيون كتيرة وناس كتيرة وده اللى اكدلى انى ليكى

اصلى حتى لما افكر ... ان حد غيرك ممكن يكون ليَه

بافضل احسب ازاى هاعيش معاه ... والنتيجة هيَه هيَه

قبل ما تقولى انك انتى عايزة تعيشى جنبى او معايا

باجرى ليكى واموت عليكى وبارمى كل شيئ ورايا

انت ليا وانا ليكى ... حياتى باشوفها جوة عينيكى

عديــت حدودك

من رموشك ... من خدودك ... ولا من نظرة عينيك

فى الجمال عديت حدودك ... قلبى قال الله عليك

ياللى لون شعرك حكاية ... تبتدى وملهاش نهاية

وف جمالك الف اية ... وف عيونك ولا عودك

انا من سحر عينيك مبنمش ... وان جرحونى مبتألمش

قول لعيونك ترحم قلبى ... قلبى ضعيف مبيستحملش

قلبى كفاية عليه الننى ... قادر وحده انه يجننى

قلبى يسيب الدنيا بحالها ... وانت وبس تقرب منى

حتى صوتك .. حتى صمتك .. حتى ضحكك وابتسامتك

حتى حزنك ولا دمعك .. وف كلامك وف برائتك

ده انا كنت اتمنى اكون رسام ... ارسملك صورة انا بالأقلام

ده انا كنت اتمنى اكون شاعر وانا اقول فى عيونك احلى كلام

غيرتيـــــنى

غيرتينى ... غيرتينى

إزاى ... غيرتى عمرى إزاى؟؟

مانا كنت عادى عايش حياتى من غير ما اكون تعبان

ولا كان فى بالى اسهر ليالى واكون عاشق كمان

بالعكس حتى وانتى جنبى بقالك قد ايه

كان كل شيئ عادى وطبيعى واتغير فجأة ليه

لو عدى يوم من غير ما امسك ايديكى واحضنها

لو عدى يوم وعينيكى ماستنتش ابصلها

مبقتش باحسب انه يوم عدى فى حياتى

ده انا نفسى افضل حاضن ايديكى فى كل اوقاتى